اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.
سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله
مرة واحد بخيل شقتة ولعت ادى للمطافى رنة
واحد بخيل عندو ثلاث تفاحات فتح الاولى لقى فيها دود التانية فيها دود وصل للثالثة طفا النور و أكلها
واحد قال لخطبتة لما ازمرلك تبقي انزلي قالتله انت جبت عربية قال لها
لا جبت زمارة
مره واحد غلس اوي محكوم عليه بالاعدام هو واحد صاحبه فيسالوا صاحبه نفسك في ايه قبل ما تموت قالهم نفسي اشوف امي قالوا للغلس وانت قالهم نفسي ميشفش امه
واحد ندل اوي راح علي الترب وشغل اغنيه الحياه حلوه
واحد شحات راح لواحد عجلاتي قال له أعطيني مما أعطاك الله، قال له
العجلاتي خد لك لفة.
واحد صعيدي راح امريكا لقى كل الشباب لابسين تشيرت مكتوب علية سفن
اب كوكاكولا - بيبسي
راح كتب على الجلابية عصير قصب
زوجه خوافه قوى كل يوم وهيه نايمة جنب جوزها تقول الحق يا عبده أنا سامعه صوت فى حرامى فى البيت جوزها تعب قوى مش عارف ينام وكل يوم على كده
قام قلها ياستى ماتخافيش الحرامى لما بيروح يسرق ما بيعملش صوت تانى يوم
صحته من النوم الحق يا عبده أنا مش سامعه صوت فى حرامى فى البيت
كمسري أبوة مات ماشى في الجنازة يقول يا حضرات الجنازة فاضية آدام
فرختين مشيين الاولى معلقة بيضة على رقبتها .. فالتانية بتسالها اية البيضة
دى؟ قالت دى صورتى و انا صغيرة
صعيدي بيعد بالانجليزي ... وان - توو - ثري - فور - فايف -استغفر الله ? سكس
صعيدي قالوله بكره عيد الحب قال : يوووه ايه الورطة دى! وده صلاته ازي.
اربعه بلدياتنا بيلعبو علي الطريق السريع الي العربيه تخبطه مرتين يطلع بره
كان فى طيارة فيها اربعة واحد امريكى وواحد ايطالى وواحد المانى وواحد صعيدى الطيار قال لازم
تلاتة ينطوا من الطيارة احسن تقع جه الامريكى قال احنا بتوع الشجاعة وراح ناطط وجه الالمانى قال احنا بتوع الكراتيه وراح ناطط وجه الصعيدى قال احنا بتوع الغلاسة وراح زاقق اللى جنبه
يفتح معاه كلام و الولد مبيردش فحاول يخليه يتكلم فبيقوله نفسك تطلع ايه لما تكبر والولد قاله مهندس زى بابا قاله طب لو بابا مهندس و ماما دكتوره الولد قاله ابقى مهندس طبيب فقاله لو بابا وماما دكاتره الولد قاله اطلع دكتور فقاله طب لو بابا طبال و ماما رقاصه فالولد قاله اطلع سواق تاكسى
مسطول بنته إتأخرت بره سألها كنت فين؟ قالتله شباب خطفونى وإغتصبونى قالها الإغتصاب كله نص ساعة رحتى فين بعد كده؟ََ
اتنين سكرانين ماشيين...فواحد قال للتاني:لما أموت ابقى اشرب لي الكاس
بتاعي ....فصاحبنا مات ، وبعد كام يوم التاني راح البار وطلب كاسين... قاله:
ايوه بس انت لوحدك.... فحكى له على الموضوع .....وبقى كل يوم يشرب
كاسين...لحد ما فى يوم طلب كاس واحد ........الراجل قالوه اشمعنى...قاله:
اصل انا بطلت اشرب
سئلوا صعيدى : ليه جتلت أبوك
الصعيدى : كانوا عاملين رحلة للأيتام , كنت عايز اروحها
المحققين : طب ليه جتلت عمك ؟
الصعيدى : كنت عايز ابن عمى يسافر معايا
المحققين : طب ليه كنت عايز تنتحر
الصعيدى : أصلهم لغوا الرحلة
حلاق وابنة بيتفرجوا علي ماتش كورة فالولد سمع المعلق بيقول (وشاطها
بمشط رجله وجات في المقص وجووووووووووووون) راح الولد لابوة وقاله الحق
يا بابا دول باينلهم بيلعبوا في العدة
مرة تلاتة مصاصين دماء دخلوا قهوة اتنين طلبوا كبيتين دم و واحد طلب كباية ماية سخنه ليههه
عشان معاة دم فتلة
نساء العالم اتحدن وقررن انهم مش هيعملوا أي حاجة من واجبات البيت.... وبعد اسبوع اتقابلوا
عشان يعرفوا النتايج
الزوجة الفرنسية: انا قلت لجوزي ميشيل انا مش هعمل حاجة في البيت الاسبوع ده كله
وقالت أول يوم ما شفتش حاجة وتاني يوم ما شفتش حاجة وتالت يوم بدأ يغسل ويمسح وقالي انتي بتتعبي خالص يا مراتي يا حبيبتي
الزوجة الانجليزية: انا قلت لجوزي انا مش هعمل حاجة خالص في البيت الاسبوع ده اول يوم ما شفتش حاجة... تاني يوم بدأ يعمل الاكل تالت يوم غدانى وعشانى بره
الزوجة المصرية: انا قلت لابو العيال انا مش هعمل حاجة في البيت الاسبوع ده اول يوم ما شفتش حاجة تاني يوم ما شفتش حاجة... ثالت يوم ابتديت أشوف شوية بعيني الشمال
الثلاثاء يوليو 28, 2009 12:49 pm